அழுகுரல் நெளிய
சூம்பிய முகத்துடன்
பள்ளிச் செல்லும் சிறார்களுக்கென
அங்கே என்ன கிடைத்துவிடப் போகிறது
அவர்கள் சிரிப்பிலும் பெரிதாக
குரல் மாறியபோது
எழுந்த முதல் கிண்டல்
அம்மாவுடையதா
அக்காவுடையதா
கண் முன் இறந்த
கன்றுக்குட்டி எழுப்பிய கடைசிக் குரல்
மக்கிய வடிவ கனாக்களில்
பிடித்தமான குரலை
பிடித்தமான நேரத்தில்
ஒருபோதும் அழைத்து வந்ததில்லை
விருப்பு வெறுப்பற்றிருந்தாலும்
இந்த தொலைபேசி
மாறியவை அர்த்தங்கள்தான்
இன்னும் மாறாமல்
அவள் பேச்சுக்குரல்
எந்தக் கனவிலேனும்
எப்போதாவது மீட்டெடுக்க முடியுமா
கருப்பை வெளித்தள்ளிய
முதல் கணத்தில் நிகழ்ந்தயென்
அழுகுரலை.
No comments:
Post a Comment